kürt bi arkadaşımın başından geçen olay

Tê hesabkirinê delaliya cimaeta Kurda û cîkî meşûr digre nava medeniyeta Kurda da. Bawer bikî tune maleja Kurda, wekî derheqa wê poyêmêda, nebihîstiye. Yan jî kîderê nehatiye gotinê çend beytê wê poyêmê.
( SIYABEND Û XEC Ê ) – ew kaniya cimaetê ye nifûsdariyê, ji kû nekû nivîskarêd Kurda, yê ûsa jî, yê ermeniya bona evîntiya dila bi fîncanêd zêrîn hildiçinin qinyatê efrandinê.
Poyêma ( SIYABEND Û XECÊ ) deste birakê ( KER KÛLIK E ) herdû poyêm jî verêkirîne miqabilî zordestiya xelîfêd ew gav ser kurda . Egîdêt herdû poyêma nolî her mêrxasin, nolî hev dil firem, nolî hev helalin, nolî hev bê tirsin. Wexta dikeve dereca milleta- Egîtî û mêrxasî tacê serê wana ye. Lê çawa Siyabend, ûsa jî kûlik serhişkin. Kûlik gora diya xwe nake, diçe û tê kuştin, miqabilî kûlîk sekiniye mîrê ereba û heft birê Xecê. Her dû poyêma da rind têne xanê kirinê miqamê sinfiyê. Em bîr bînin, wexta Kûlik tê dîwana mîr, mêrxas û gire girêd wî, kesek nikare fîncana qawê ji cî hilde û vexwe, tenê kûlik wê yekê dikare bike û bi wêva Kûlik dixwast xûşka xwe bide kurê mîr, çimkî ewî dewletiye lê Xece û Siyabend, miqabilî wê yekê şer dikirin. Her dû poyêma da em bîr bînin wî qelenî, çi ji Kûlik û Siyabend dixwazin, her dû egîtên me êtîmin. Raste Kûlik tenê bavê da êtime, lê dîsan êtîme.
Lê gereke bê gotinê, wekî ferqî ji orta Siyabend û Xec ê da û (ker û Kûlik ) da êpêçeye. Raste bavê Kûlik miriye, lê diya wî sax e. Em zehf rind dizanin kiye bavê Kûlik . Lê Siyabend tayê tenê ye, ne diya wî heye , ne jî bavê wî. Ew ewladê êla Silîvane, û bi êla Sîliva tê naskirinê. Bi nêta me poyêma (Siyabend û Xecê ) Deha qedîme, deha kevne, çikû Poyêma (Ker û Kûlik ) Eva yeka ûsa jî tê xanî kirinêbi çekê destê herdû egîtave Kûlik bi şûr û mertala şer dike. Wexta bi teweqe kirina wê soskê ber Kûlik derbas dikin, ew şûrkî nava wê dixe û wî dike dû qeta. Li meydana kû Kûlik tê da şer dike, tenê xanî kirinê teibiyêd eskerî yê hasîgehêd şer , çeilê şer, sogib nikare ser ser çeila ra çirqase û Kûlik davêje çeilê.

yardım edin lan!