Merivek şivan hebû
Navê wî Heso bû
Xwexwe bilûrvan bû
Şuxulê xwe jî baş zanibû.

Her roj deştê diçû...
Ro ku zelal dibû
Heso ji mal radibû
Û ber bi gomê diçû.

Derdixist derva pezên xwe
Datanî şiv bin milê xwe
Koloz datanî ser serê xwe
Kûçikên amin jî dibir tev xwe.

Pez ku dibir deştê
Bilûr derdixist ji cêvê
Heso rûdinişt bin darê
Kûçikên amin jî kêlekê.

Bilûrê baş lêdixist
Awazên xweş derdixist
Kûçik jî pêra distiryan
Pez jî gîhê têêr diçêryan.

Ro ku diçû ava
Heso pez tanî pajda
Wana dikir gomê de
Xwexwe jî diçu malê xwe.

Û usa dikir timê
Heso diçû ber pezê
Ji sibê heta êvarê
Heta ku zivistan bê.