bu başlıkta ctrl v yapıyoz beyler yapıştır

amca dedi ki 日本話（日本語），書寫就叫日文，廣東人叫架文，係日本嘅官方語言。語言系屬有爭議，有人認為係孤立語言，亦有人認為可以劃入阿爾泰語系（有啲學者繼而提出韓日-琉球語族嘅概念，並認為日文喺佢之下）。佢嘅書寫體系中存在好多借用嘅漢字（當用漢字）。日文有兩套表音符號（假名）：平假名（ひらがな 平仮名）同片假名（カタカナ　片仮名），同時亦可以用羅馬字（rōmaji）寫成拉丁字母。同日文相近嘅有朝鮮語、蝦夷語（阿伊努語）同埋琉球語。
日文主要係喺日本用。喺日本統治台灣、朝鮮、東南亞、大洋洲同埋中國部分地區嘅時候，當地人被迫學講日文，並且被迫改日文名，所以而家仍然有好多人可以同時講日文同本地話或者操流利日文。喺好多定居加利福尼亞州同巴西嘅日本移民之中，有啲都會講日文。佢哋嘅後裔雖然有日文名，但係就好少能夠操流利日文。
日文屬於黏着語，通過喺詞語上粘貼語法成分嚟構成句子，其間嘅結合並唔緊密，唔改變原本辭彙嘅含義只表語法功能。
日文有極之多變化，不單有口語同書面語嘅區別，重有簡體同敬體、普通同鄭重、男女、老少嘅區別。唔同行業同職務嘅人講嘢亦唔同。呢方面體現出日本社會森嚴嘅等級同埋團隊思維。
日文嘅敬語好發達。用敬語令公眾場合之下嘅日文非常典雅。但過於繁複嘅語法令學習敬語異常困難。即使土生土長嘅日本人都唔能夠完全熟練掌握。同樣敬語發達嘅語言重有朝鮮語、蒙古語等。
日文嘅發音好簡單，只有五個母音音素同埋為數好少嘅輔音。加上唔常用嘅各種發音總數亦唔超過 100 個。同日文發音類似嘅有西班牙話同埋意大利語。一般嚟講，呢三種語言嘅發音之中輔音同母音嘅比例接近 1：1。
日文嘅辭彙非常豐富，數量龐大，大量吸收外來語。一般辭彙（唔包括人名同地名）有3萬幾個（1956年）。（睇日文辭彙）
日文嘅語言學非常複雜。起源於阿爾泰語系，後來受南島語系嘅影響，尤其受漢語影響好大，吸收咗本來作為漢藏語系特點嘅聲調同埋量詞，因此令日文嘅語言學非常複雜。不過亦有人對日文嘅起源持不同意見。